Tempo Timor Online

 

Tempo Timor:  Hafoin fó sai kronologia akontesimentu kontra ataka entre grupu Mauk Moruk ho membru Komandu Operasaun Konjunta KOK) iha loron (5/8) no akontesementu Waitili Bu’u iha loron Sabadu (08/08) ne’ebe rezulta Mauk Moruk ho ninia membru nain rua mate, Major Jeneral Lere Anan Timur ba Jornalista sira hateten,operasaun ida ne’e bazeia ba rezolusaun Parlamentu Nasional nian no dirativa husi Governu no promulga husi Presidente da Republika, ne’e duni nu’udar Komandu operasional sira kumpri orden ne’ebe maka hato’o husi leten.

Iha konferensia imprensa ne’e,Komandante Jeral Forsas Aramadas Timor-Leste ne’ebé akompania husi Komandante Jeral PNTL, Julio Hornai kestiona makas ho hahalok Timor oan balun ne’ebé konfia liu fali ema seluk duku ninia funu maluk sira. 

“Primeiru lugar ha’u hakarak apela ba Timor oan hotu-hotu katak, konfia ba imi nia lider sira ne’ebé uluk halo funu durante tinan 24 hasoru okupasaun Indonesia no ita labele konfia ema seluk ne’ebé uluk nunka terus no nunka fó apoiu ba ita. Ha’u la fiar katak ita nia lider sira ne’ebé uluk halo funu, direze funu durante tinan 24 atu trai fali nasaun ida ne’e.” dehan Major Jeneral, Lere iha Kuartel Jeral F-FDTL Fatuhada, Dili (12/8). 

“Ohin loron ita nia komunidade, Juventudes no familia Mauk nian iha Saelari dehan, Lere, Presidente Taur no Xanana maka oho, maibe pelemenus durante ne’e, ha’u reprezenta Instituisaun, Governu ate reprezenta ha’u nia an rasik halo esforsu hotu-hotu para Mauk Moruk labele mate mais ema ida la responde ha’u nia esforsu ida ne’e”.

“Ohin loron ita hare katak iha Metiaut hotu-hotu ko’alia, maibe uluk Mauk Moruk sei moris ema ida la ko’alia. Ha’u nia testamunha maka katuas L7 nu’udar matebian nia maun bo’ot, Liu Rai Metiaut nu’udar familia uma laran, Manuel M. no L4 maka ha’u nia testamunha” Lere esklarese. 

Lere haktuir liu tan katak, to’o pontu ida nia asumi responsabilidade bainhira Mauk Moruk mai entrega an atu hasoru justisa, maibe la iha ema ida maka keresponde ninia esforsu ida ne’e no to’o loron ida ne’ebe maka Mauk hakotu ninia vida no ida ne’e konsekuensias.

 “Ita nia maluk mate ona, maibe ita ne’ebé moris ne’e maka sei deskonfia malu, vinga malu mais ha’u hanoin katak ida ne’e la iha razaun para atu vinga ema seluk, vinga Xanana, ha’u ka Tuar Matan Ruak mais situasaun maka ida ne’e tanba ita halo esforsu hotu-hotu hodi lori Governu nia naran, instituisaun nia naran no propriu lori ha’u nia naran halo tentativas dala barak ate ba toba iha ninia rai, maibe ema la koresponde.” tenik Lere.

Lere esklarese liu tan katak, sira ne’ebe maka mai, purezemplu hanesan Koboyu, Carlos, Asu-wain no ida seluk tan ne’e tanba rona nia (Lere) no Lere apela ba sira dehan katak, “imi pudeia konfia ha’u duke imi konfia ema seluk purke uluk ita maka terus hamutuk no ita hanesan familia ida de’it, rejiste durante tinan 24, terus hamutuk no mate hamutuk, maibe se ita kuandu la konfia malu konsekuensia at sempre mosu, maibe se ita ne’ebe uluk terus hamutuk maka konfia malu problema sei la mosu. Maluk sira ne’ebé maka mai husi liur hanesan Angela, ha’u sempre kontra bebeik no ha’u se kontra nafatin bainhira nia la muda ninia hahalok.” eis gerileiru ne’e fó hanoin”.  

Lere mos la satesfas ho Advogado balun ne’ebé dehan altera fali familia ninia planu atu lori mate isin ba  Atelari tanba dehan Advogadu. Maibe, Lere hateten, advogadu ne’e ba ema moris la’os advogadu fali ba ema mate.

“Se ita boot nu’udar advogadu tanba saida uluk Mauk Moruk sei moris la ba konvense para nia mai hodi ba responde iha Tribunal mais agora mate tina ona maka ita boot sai fali advogadu, ” Lere koalia ho lian makas.

Ema nebe maka lakohi servi Timor di’ak liu sai husi Timor no husik ema ida ne’ebé fó laran ba Timor maka hela iha Timor, tanba bainhira situasaun at ema hotu-hotu la’os Timor oan, maibe kuandu situasaun di’ak hotu hotu timor oan purke iha nasionalidade rua.

 

“Lei barak maka ita nia Parlamentu sira, politiku sira hare didiak para bele koresponde realidade, ne’e duni hau dehan tan katak, se maka lakohi timor ninia diak entaun diak liu sai no lalika hela iha Timor tanba iha nasionalidade rua duke hela iha timor para kria instabilidade hodi halo terus povu ne’ebé maka sei ki’ik no kiak:”, remata Lere. (**)

Publika iha Nasional

Tempo Timor: Molok simu Mauk Moruk nia isin mate iha oras lokraik nian, maizu menus iha tuku 11: 15 Otl, familia matebian Mauk Moruk, realiza konferensia imprensa ida iha Bidau Metiaut ne’ebé lidera husi Cornelio Gama (L-7) hodi fo sai informasaun balun inklui alegasaun ruma kontra eis Primeiru Ministru Kay Rala Xanana Gusmao. Tuir L7 dehan eis Primeiru Ministru Xanana maka haruka forca sira oho ninia alin.

“foin daudauk  Xanana ba iha Venlale, nia (red-Xanana) dehan ba forsa, ”imi F-FFDTL ho PNTL agora imi hatais varda rebo-rebo no Diviza rebo-rebo, ha’u (Xanana) hakarak imi tiru rahun tiha Mauk nia ulun, ida ne’e maka familia la konkorda”, L7 hato’o ninia alegasaun kontra Xanana.

Eis deputadu Parlamentu Nasional husi Partidu Undertim iha tinan 2007-2012 ne’e mos so’e piadas ba politiku nain sira Governu ho politiku sira husi Partidu hat ne’ebe tuur iha Parlamentu Nasional ne’ebe konsege hasai rezolusaun kontra Konsello Revolusaun Maubere (KRM) no tuir L7 rezolusaun husi Parlamentu Nasional ninia finalidade maka hamate ona Prezidenti husi KRM ne’e.

“Ami familia agradese ba rezolusaun ne’ebe mak Governu ho Parlamentu Nasional hasai ne’ebe positivu ona no mos susesu iha ona, tanba agora MM mate ona, tanba ne’e la’os familia husi Laga de’it, maibe familia husi Timor laran tomak, hodi nune’e ami bele esklarese ba populasaun tomak atu tur hakmatek no la bele emosaun,” L-7 haklaken.

L-7 esplika katak, MM nia problema la hanesan ho Alfredo, Reinado ninia tan ba tuir L7 dehan Alfredo halo kudeta tanba hasai kilat tiru malu hasoru governu, maibe MM halo politik no hare ba sistema balu la diak persija halo mudansa ida ne’e mak dehan MM salah.

“Ami respeita Governu tanba governu ita mak hili ho mos Parlamentu Nasional, maibe liafuan ida rezolusaun ne’e halo fali krimi violensia ne’e mak ami lakohi, governu haruka nia ema ba baku ema ne’e krimi ka lae no kontra direitus umanus ka lae,” nia hateten.

 Iha konferensia ne’e, Maun husi matebian Mauk Moruk hateten, uluk iha ai laran, Xanana, Taur, Lere no Mauk Moruk maka hamutuk hodi luta ba ukun a’an nasaun ida ne’e nian, maibe tanba saida maka funu hotu ona, Xanana, Taur no Lere hakotu fali Mauk Moruk nia vida hanesan animal.

L-7 esplika katak, tanba uluk sira na’in 4 mak hamutuk iha ai-laran han ai-farina baluk ida no fó ba malu, bee kaneka ida fó ba malu, maibe hanusa maka funu hotu ona, Xanana, Taur no Lere bele oho tia MM hanesan animal, tiru halo dodok didiak no dirjamadu durante loron hat la han nusa mak la kaer de’it.

“Ami Familia la konkorda wainhira sira oho ami nia alin Mauk Moruk  no la fo mos tempu ba ami familia atu ba hare mate isin Mauk Moruk nia, halo fali autopsia sira mos sen konseidera ami hanesan familia, maibe sira halo autopsia de’it” dehan L-7 ho mata wen ba Jornalista sira iha nia kna’ar fatin Metiaut, Segunda-Feira(10/08) dadersan. 

Husi parte familia husu Xanana, Taur no Lere atu mai fo liafuan ida ba MM, atu nune’e familia bele ba halot iha nia fatin, tanba sira na’in 4 ne’e la seluk la let ida,sira mesak funu nain maka oho malu, tanba ha’u nia alin ne’e dezarmandu, tanba saida mak lori fali bataliaun rua ba serku fali Mauk iha ai-laran ne’ebá, sira hanoin Mauk hanesan ema traidor no terorista karik. 

L-7 konta tuir akontesementu ne’e,  iha dia 8 agustus 5 oras lokoraik, tuku hat lokorraik MM telephone ba nia alin dehan hanesan ne’e? alin sira duni ha’u, hahan la iha no bemos la iha pelemenus fo netik be no hahan mai hau, no 5 oras rona kilat tarutu no kuandu kilat tarutu ho hamlaha MM hamrik.

Depois hamrik forsa sira hadulas tia nia no nia mos la kaer kilat iha nia liman, maibe forsa sira tiru MM, Forsa sira ko’alia dehan? tuir planu Xanana nian tiru halo rahun tia MM nia ulun, se Mauk Moruk moris ne’e ita salah mós nia kritika bebeik ita. 

Tuir nia, tanba saida mak sira oho tia hau nia alin no dehan ami iha tarsus nia laran. , hanesan maun sentimentu la di’ak sei kontunua mantein hau mak didisi hau nia a’an tenke tuir hau nia alin nia fatin, mais ida ne’e ita sei estraga nasaun. L-7 dehan hau halo funu,Xanana halo funu, Taur halo funu, Lere halo funu no Mauk halo funu, Di’ak liu governu haruka  F-FFDTL rega hotu povu ne’e.

Aleinde ne’e ha’u sei haruka lia fuan ida ba direitus umanus Internasional, lei internasional, jornalista internasional, kruz vermeilha intenasional no embaixada iha ne’ebe mak iha Timor-Leste ne’e atu fó hatene, ukun ne’e krimi no violensia, agora MM foti liman sira tiru nafatin lei dehan hanesan ne’e. krimi  dagera, imisidu no omisidu, governu komesa aplika lei krimi sira ne’e ona.

“Ami familia hein hela husi parte governu nian bele mai, mai fo justifikasaun ba ami nia komandante vermelha ne’e mate hanesan traidor ka mate tanba heroi, tanba nia luta ba buat loos ida, ida ne’e maka tenke justifika ba familia,” dehan Angela Freitas.

Angela relata katak, loron rua resin ona familia rasik mos la iha asesu ba komandante vermeilha nia kadabel ida ne’e violasaun bo’ot ida, husi parte governu mos seidauk fo informasau ba hira los mak sira atu intrega kadabel ba familia.

Angele hateten, sei mak familia husu atu mai mak Presidente Republika Taur Matan ruak, Jendral Lere no Eis premeiru Mnistru Xanana Gusmao, tanba hakarak lolos hatur istoria ne’e lolos “ita la bele destorse istoria ne’e ba publiku povu ne’e hein hela hakarak informasaun ida ne’e mak klaru konaba ita nia lideransa sira ne’e.”

Tanba ohin loron povu kontinua nafatin fakar ran iha tempo independensia la nesesariu ba ida ne’e, ita hotu mesak timor oan de’it. Husi parte komandante brigade MM nian mak mate mos timor oan no husi parte forsa mos timor oan.

 Tanba ne’e duni tenke taka odamatan ho komandante ida ne’e, no husi parte governu mos tenke responde ba aktus ne’ebe mak sira halo hasoru sira nia povu dezarmandu.(**)

Publika iha Nasional

Dili, Tempo Semanal EXCLUSIVE - The four pages letter Xanana Gusmao sent to the parties of the Coilision, on the 4th of February of 2015, is well structured and, sometimes, even well argued. Moreover, it allows us to have some insight on the Prime Minister’s and the Parties’ (CNRT, PD, Frente Mudanca) views on the reshuffling of the Government as well as on the all process.

Some Timorese sees the resignation of East Timorese independence hero, Kay Rala Xanana Gusmao from his post as Prime Minister cause by luck of competencies of some members of government. 

Publika iha Nasional

 

 

Tutuala, Tempo Semanal - Iha dialogu ho komunidade sira iha suku Tutuala, Presidenti da Republika Taur Matan Ruak hetan perguntas barak relasiona ba programa dezenvolvimentu maibe daudaun ne’e iha hela prosesu remodelasaun ninia laran no membru governu barak maka sai nune’e iha semana ruma ninia laran roda governasaun sei la’o neineik ate to’o tomada de pose ba membru governu foun.

 

“Ita bo’ot sira hatene daudaun ne’e atu halo remodelasaun ida radikal. Por izemplu Senora Sekretaria de Estadu Promosaun igualidade (Idelta Rodriques) la’o ho ha’u mas nia tenke fila tan ba sei iha surat re estruturasaun (rezignasaun). Representante Sekretariu Estadu Veteranus mos nia tenke fila”, dehan Presidenti Matan Ruak iha dialogu ho komunidade sira iha suku Tutuala iha sexta Feira (30/01).

 

“Portantu ne’e semana ida ka rua nia laran ne’e ita seida’uk hatene ho (membru Governu) se maka ita ko’alia atu halo servisu. Maibe dia dez ba oin ita hatene ona se los maka ita atu transmite kona ba problemas, difikuldades sira ne’ebe ita iha. Ne’ebe saida maka ko’alia iha ne’e ami aponta”, Prezidenti Taur Matan Ruak esplika situasaun ba komunidade sira.

 

Iha vizita Presidenti Taur Matan Ruak ninian ba Tutuala ne’e mos akompania husi Sekretariu de Estadu Samuel Mendonca. Maske Primeiru Ministru haruka Samuel Mendonca hatama ninia surat rezignasaun maibe sempre ho hamnasa akompania Presidenti ninia viajen hodi hasoru malu ho komunidade sira.

 

“Ha’u kontente maun Sekretariu de Estadu Dezenvolvimentu Lokal, nia mai iha ne’e dehan katak ultimo vizita”, Presidenti Taur hateke ba Sekretariu Estadu Samuel ne’ebe tu’ur iha Presidenti ninia liman karuk no Samuel Mendonca simu ho hamnasa.

 

“Ha’u ohin rona ho atensaun opiniaun balun imi Tutuala nian ke iha lojiku ida, ha’u sei transmite hanoin sira ne’e ba Senor Primeiru Ministru. Ha’u mos rona katak ita nia maun Primeiru Ministru tula nia sasan ba hotu ona Balibar I ha’u la hatene Primeiru Ministru foun se. Maibe ida ne’ebe maka sa’e, nia fungsaun maka hala’o politika ne’ebe governu lejislatura ida ne’e ninian no implementa sira nia politika no programa sira I aijuda kreia oportunidade ba populasaun sira. Nune’e ha’u sei transmite preokupasaun ne’e ba ita nia maun”, hatuir Presidenti Taur ba Komunidade sira.

 

Maske nune’e iha intervista ho jornalista sira Presidenti da Republika rejeita fo komentariu klean liu kona ba rezignasaun Primeiru Ministru Kay Rala Xanana Gusmao ninian tan ba to’o dia 31 de Janeiru seida’uk simu dokumentus ruma relasiona ba asuntus refere.

 

“Presidenti labele orienta ninia hanoin ba iha isu. Bu’at ne’ebe importante kuandu Presidenti simu surat ida, ne’e maka ita ko’alia. Presidenti seida’uk simu surat ruma. Orsida lokraik (sabadu 31/01) ha’u to’o, karik Segunda Feira kuandu simu ona dokumentus eskritu Governu nian, iha ne’e maka ha’u bele halo komentariu”, hateten Xefe do Estadu.

 

Presidenti da Republika, Tau Matan Ruak fo tomada de pose ba membru V Governu hamutuk nain lima nolu resin lima iha Palasiu Novre iha loron 08/08/2012. Iha elisaun jeral 2012 la iha Partidu ida maka manan elisaun Parlamentu ho pursentus lima nolu mais um nune’e duni Partidu CNRT nu’udar primeiru partidu mais votadu iha elisaun ne’e halo koligasaun ho PD ho Frente Mudansa hodi hato’o sira nia programa tinan lima ninian ba Parlamentu ne'ebe konsege hetan aprovasaun.

 

“Governu hotu-hotu, nia iha fungsaun no atividade atu halo I tuir programa Governu nian tinan lima nune’e mos programa annual ne’ebe tinan kotuk Governu aprezenta I Parlamentu aprova na baze proposta orsamentu de estadu. Portantu implementasaun programa sira ne’e”, hateten Taur Matan Ruak ba jornalista sira.

 

Iha momentu hanesan Jornalista koko konfirma dala ida tan kona ba isu rezignasaun Primeiru Ministru ninian no Presidenti Taur Matan Ruak dehan, “ha’u seida’uk simu I ha’u so simu dokumentus maka ha’u foin halo komentarium, ne’e para ha’u labele hanesan imi rona isu I ha’u mos rona isu depois halo komentariu sein iha dokumentus por eskritu. Se ita ohin ko’alia mas aban ema muda hanoin, ne’e ita problema tan ba ne’e ha’u la halo komentariu”.

 

Iha Parte seluk iha lorokraik loron Sexta (30/01), Primeiru Ministru Kay Rala Xanana Gusmao haruka fali envelope ida ho konteudu surat husu Vise Ministru Transporte no Komunikasaun, Flávio Cardoso Neves, atu hatama ninia karta rezignasaun. Lala’ok administrasaun iha gabinete Primeiru Ministru ninian ne’e hamosu perguntas kona ba remodelsaun ne’e tan ba antes ne’e iha Segunda Feira (26/01) gabinete PM haruka uluk ona karta de esperansa ida ba Flavio Cardoso Neves ho konteudu iha posibilidade atu tama fali iha governasaun foun oin mai.

Kazu hanesan mos mosu fali ba membru governu seluk hanesan vise Ministra Financas, Santina cardoso ne'ebe iha Segunda Feira simu karta atu hatama ninia rezignasaun maibe depois simu fali karta ida husi Primeiru Ministro ne'ebe informa katak DRA. Sabtiba Cardoso atu simu fali pasta ruma iha governu foun mai.

Membru governu sira ne’ebe Primeiru Ministru husu atu hatama sira nia karta rezignasaun barak maka hatama ona maibe iha loron 30/01/2015 membru governu sira ne’e simu fali karta seluk atu reativa propizoriamente ate dia 06/02/2015. 

“Ha’u hanoin lala’ok administrativu ida ne’e hatudu momos katak bu’at ruma ladun lo’os mas ha’u hakarak hateten de’it katak mezmu Primeiru Ministru la husu mos ha’u sei nafatin atu hala’o fungsaun ha’u nian to’o membru governu foun mai halo tiha termus de entrega maka ha’u sai.  Mas presiza esplika katak mezmu sei servisu hanesan bainbain maibe ha’u sei la asina kontratu rum aka halo pagamentus ruma tan ba ne’e bele halo sala”, dehan membru Governu ne’ebe PM maka hetan surat husi PM atu hala’o fali ninia fungsaun temporariamente to’o membru governu foun hetan tomada de pose.

Wainhira Tempo Semanal konfirma ho membru Governu ida seluk ne’ebe mos nu’udar membru V Governu konstitusional ne’ebe husu atu labele publika ninia naran maibe membru Governu ne’e hatudu lakon fiar ba ninia primeiru Ministru no ho sinista halo kritika ba lala’ok administrasaun iha Gabinte PM Xanana ninian. 

“biar Primeiru Ministru atu haruka surat mai hodi husu ha’u mantein to’o dia seix ka la’e mos ha’u sei halo servisu nafatin to’o ministru foun mai. Maibe se karik surat ne’ebe haruka mai ne’e dehan atu fo fali oportunidade seluk ba ha’u atu tama fali membru iha Governu foun ne’ebe sei hari entaun ha’u sei rejeita atu tama fali tan ba ha’u hatama ona surat rezignasaun”, dehan membru Governu ida iha V Governu ne’ebe sei hala’o servisu iha Sexta lokraik.

Publika iha Nasional

Lospalos, Tempo Semanal - Iha loron Sexta Feira Xefe do Estadu Taur Matan Ruak somutuk ho komunidade sira iha Mehara no iha Tutuala. Komunidade sira mos kestiona hasa’e li aba Presidenti da Republika relasiona ho dezenvolvimentu ne’ebe la’o ho ain kudeik balun inklui kestiona kona ba lala’ok remodelasaun.

Durante semana ida ikus ne’e komunidade Timor-Leste ninia kakutak hetan kadeia husi Rezignasaun no Re-estruturasaun maibe Presidenti Ruak la preokupa hodi hala’o ninia viajen tama sai suku sira iha Distritu Lauten hahu husi 26/01/2015,

Publika iha Nasional

Baukau, Tempo Semanal - Veteranus Andre da costa ne’ebe sempre kuinesidu ho naran L4 hateten katak ninia parte sente triste ho situasaun ne’ebe akontese iha Suku Saelari (15/01) nune’e iha loron sexta feira wainhira simu orientasaun husi Maijor Jeneral Lere Anan Timur atu ba to’o iha Saelari nia mos sai husi ninia suku Atelari hodi ba akompania situasaun iha fatin refere. 

“Hau  hanesan  hare ho matan  polisia ida mane ne’e tetak halo kanek didiak, oin sira ne’e kuaze ita la hare I ita hare la mos I ninia kotuk sira ne’e ta  kuak hotu I polisia feto ne’e mak  la kanek kala sira baku ne’e maka lao bulelu tiha”, hateten Andre da Costa alias L4.

Publika iha Seguransa Defesa

Tempo Semanal - Ministru obras publikas (MOP), Gastao de sousa kestiona kapacidade kompania internacional ENSUL tan ba kaer projeitu ponte Taroman iha Distritu Suai la’o lento los. Kontrusaun ba ponte refere inisiu tender manan husi kompania Portuges ENSUL iha tinan 2012 maibe kompania refere la konsege executa ninia responsabilidade tuir fiar ne’ebe Governu deposita.

 “Ponte ne’e seisenta metrus de’it mas lori tinan maka halo. Ne’ebe ita hare’e kapasidade teknika no financeira kompania sira nian ne’e. Iha komapnia portuguesa ida maka ka’er. Kompania ne’e ENSUL. Ha’u hanoin bu’at sira ne’e ita toma pontu de avaliasaun ba aban bain rua sira bele hetan projeitu ka la’e. Portantu ne’e hanesan notas ida ba obras publikas ho governu katak kompania sira ho kapasidade hanesan ne’ene kuandu hetan projeitu ita tenke question mark ka ita tenke tau nia iha pontu interogasaun, tan ba sa? Sira bele ou labele?” relata Ministru Obras Publika, Gastao Sousa. 

Publika iha Nasional

Tempo Semanal Breaking News 

 

Tribunal distrital Dili, iha Sexta (08/08/2014) hatun ona desizaun ba eis komaante Investigasaun Kriminal (SIK) Polisia Nasional Timor-Leste, Calistro Gonzaga relasiona kazu kapturasaun no detensaun ba trafikante droga nain lima iha fulan Oetobru 2012.

 

Tribunal distrital Dili, kondena arguido calistro Gonzaga komete krime agravado naun partisaun no krime agravado Sequestru.

 

Publika iha Justisa

Dili, Tempo Semanal - Iha istiria Timor-Leste foin ba dahuluk maka nasaun ne’e hala’o cimeira CPLP hodi manten lasu solidaridade ho paises maa ko’alia lian portugues. Hanesan Presidenti povu tomak hatene no iha deskursu Presidenti Mozambique ninian iha cimeira xfe do estadus ho xefe do Governu katak nasaun maun alin sira ne’e maka sempre foo apoiu ba Timor-Leste ninia luta tomak ate ohin hetan libertasaun. Lider Timor-Leste sempre dehan CPLP hanesan dalan diak liu ba ita atu hametin lasu refere nune’e povu Timor-Leste liu-liu lider sira tenki haksolok ho amizade nebe hakiak ho paises amigos sira ne.

 

Publika iha Nasional

Dili, TEMPO SEMANÁL – Polemika falsifikasaun informasaun ba baze de dadus membrus kombatentes da libertasaun nasional, konsideradu nudar kaza de trabaillu ba Komisaun Komenazen  ne’ebé to’o agora seidauk finaliza. Tanba deskomfia ema balu uluk la partisipa iha rezistensia maibé agora hetan direitu ba fundus sosial husi estadu, no fema balu ne’ebé uluk sai forsa efetivu iha rezistensia maibé iha tempu ukun an sira lakon fali sira-nia direitu ba fundus sosial husi estadu Timor-Leste. 

 

Publika iha Nasional
Page 1 of 8
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version